Effect Fræðslugreiningar & Starfsþróun

Starfsfólk þróar námsefni sjálft á frumlegan hátt

Mon, 24 Feb 2025 10:51:27 GMT

Fræðsluvísitala er innbyggð í fræðslustarfið og vel er haldið utan um starfsþróun innan fyrirtækisins

Alma Hannesdóttir er fræðslustjóri Arion banka, gaman er að segja frá því að Arion banki er Menntafyrirtæki ársins 2025.

Á heimasíðu SA segir að í umfjöllun dómnefndar komi fram að Arion banki reki öflugt og metnaðarfullt fræðslukerfi sem nýti fjölbreyttar og nýjar leiðir til að virkja kraftinn í stórum og fjölbreyttum hópi starfsfólks.

„Starfsfólk þróar námsefni sjálft á frumlegan hátt, fræðsluvísitala er innbyggð í fræðslustarfið og vel er haldið utan um starfsþróun innan fyrirtækisins, svo fátt eitt sé nefnt. Með verkefni eins og „Konur fjárfestum!“ tengir bankinn að auki fræðslustarfið við samfélagslega ábyrgð.

Ljóst er að stefnumiðuð og markviss vinna í fræðslumálum hjá Arion banka skilar sér í framsæknu og faglegu fræðslustarfi og þar af leiðandi ánægðu starfsfólki.“

Hér má finna skemmtilegt spjall um fræðslu Arion banka.

Byrjuðu í bílskúr í Hafnarfirði

Wed, 17 Apr 2024 07:21:40 GMT

Í dag eru höfuðstöðvar fyrirtækisins VHE að Melabraut 21-27 í Hafnarfirði, í alls 5 byggingum.

VHE er fjölskyldufyrirtæki sem var stofnað árið 1971 af hjónunum Hjalta Einarssyni og Kristjönu Jóhannesdóttur. Lengi vel fór starfsemin að mestu fram í skúr á lóð þeirra hjóna við Suðurgötuna í Hafnarfirði.

Árið 1995 tók elsti sonur þeirra við rekstrinum og hófst þá veruleg stækkun á fyrirtækinu. Í dag sérhæfir fyrirtækið sig í þjónustu á vélum og tækjum fyrir stóriðjuna. Þá starfrækir VHE einnig byggingadeild. Flóran af iðnaðamönnum er því breið og þarfir í fræðslumálum margvíslegar, bæði í Reykjavík og á Austurlandi.

VHE fór því nýlega í gegnum verkefnið Fræðslustjóri að láni. „Helstu markmið með verkefninu var að fá heildaryfirsýn yfir fræðsluþörfina og skipuleggja fræðslustarf framtíðarinnar“ segir Guðrún Blandon mannauðsstjóri. Hún mælir aukna starfsánægju hjá starfsfólki sem hún vill tengja beint við verkefnið.

Þetta og margt fleira í þessu fræðandi og skemmtilega spjalli.

Gefum ungu og efnilegu fólki tækifæri

Tue, 26 Mar 2024 07:14:12 GMT

Guðni Erlendsson mannauðsstjóri Samkaupa er hér í fræðandi spjalli við Evu Karen Þórðardóttur

Samkaup er með 1400 starfsmenn í 700-800 stöðugildum. Starfsstöðvarnar eru 65 talsins og dreifast um allt land. Samkaup rekur verslanirnar Netto, Iceland, Krambúðina og Kjörbúðina. Aðalstöðvar fyrirtækisins eru í Reykjanesbæ.

Mikil saga og menning er fyrir fræðslu hjá Samkaupum. Kaupmannsskólinn var rekinn eins og hefðbundinn skóli með staðbundnum námskeiðum sem nú hafa verið færð mikið til yfir í rafræna fræðslu. Covid hjálpaði til við að ýta undir umbreytinguna þó að vissulega hafi sú vinna verið hafin áður. Guðni segir Samkaup einnig vera í góðum samskiptum við Bifröst hvað varðar námsleiðir fyrir starfsfólk.

Í hlaðvarpinu fer Guðni yfir þær fjölbreyttu fræðsluleiðir sem Samkaup býður upp á. Menningin í fyrirtækinu er fræðslumiðuð og starfsfólk er hvatt til þess að nýta sér öll tækifæri til þess að efla sig í starfi.

Það er lifandi atvinnugrein að reka alþjóðlegan flugvöll

Thu, 21 Mar 2024 20:12:59 GMT

Fjölþættar áskoranir í síbreytilegu umhverfi

Alþjóðaflugvöllurinn í Keflavík fær til sín margar milljónir gesta ár hvert. Það kallar á að starfsfólk viti nákvæmleg til hvers er ætlast af því og hlotið viðeigandi þjálfun.

Gerður Pétursdóttir fræðslustjóri Isavia er hér í skemmtilegu og fræðandi spjalli en hún hefur ásamt öflugu teymi byggt upp Isavia skólann síðan árið 2016. Í dag eru níu aðilar sem vinna að fræðslumálum við skólann ásamt tugum leiðbeinenda og starfsþjálfara.

Samsteypan telur um 1500 manns sem starfa við ólík störf. Það getur verið áskorun segir Gerður, 190 starfsheiti í 109 skipulagseiningum er flókið og kallar á fjölbreyttar þjálfunaráætlanir.

Gerður segir að móttaka sumarstarfsmanna sé alltaf ákveðin áskorun. Umsækjendur eru í langflestum tilfellum framhalds- og háskólanemar sem eru uppteknir eigin námi en þurfa jafnframt að ljúka viðamikilli þjálfun áður en komið er til starfa.

Það er því alveg ljóst að umfang fræðslu hjá Isavia er fjölbreytt og viðamikil. Gerður fer hérna yfir fræðslumálin hjá fyrirtækinu, stöðuna í dag og í nánustu framtíð.

Nánar á Iðan.is

Það er ekkert vit í því að vinna eftir 2 ára gamalli fræðslugreiningu árið 2024.

Tue, 05 Mar 2024 07:35:45 GMT

Það er ekkert vit í því að vinna eftir 2 ára gamalli fræðslugreiningu árið 2024

Þegar farið er af stað í fræðslugreiningar geta þær verið tímafrekar og þá sér í lagi ef fyrirtækið eða stofnunin er með mikinn starfsmannafjölda og margskonar starfsemi. Fræðslugreiningar geta tekið á bilinu 1 – 3 mánuði og þá er yfirleitt unnin fræðsluáætlun til tveggja ára. Fyrirtæki og stofnanir geta því verið að vinna eftir fræðsluáætlun sem var gerð fyrir mörgum mánuðum með greiningu sem var jafnvel gerð á starfsfólki sem vinnur ekki lengur í fyrirtækinu eða stofnuninni.

Ein stærsta áskorun fyrirtækja og stofnanna í dag eru örar breytingar á vinnumarkaði m.a. í kjölfar tækniþróunar og talar World economic forum um að það þurfi að endurmennta og fræða stóran hluta af vinnumarkaðinum til að fyrirtæki og stofnanir sé í stakk búin að taka við þessar breytingar.

Þetta tónar því ekki vel saman, örar breytingar og að vinna eftir gamalli fræðslugreiningu. Við hjá Effect erum þeirrar skoðunar að það þurfi að vera hægt að taka fræðslugreiningar reglulega og með auðveldum hætti. Þegar við segjum reglulega þá tölum við um einu sinni til tvisvar sinnum á ári og aðlaga fræðsluna að þeim starfsmannahópi sem er til staðar og þeim áherslum og áskorunum sem fyrirtæki og stofnanir standa fyrir. Þannig verður mun meiri ávinningur af fræðslunni og fræðslan mun markvissari.

Við hjá Effect höfum hannað Effect hugbúnaðarlausn sem aðstoðar fyrirtæki og stofnanir að taka reglulega fræðslugreiningar með auðveldum hætti sem skilar gögnum til að taka markvissar ákvarðanir varðandi þá fræðslu og þjálfun sem þarf og fylgjast með framþróun.

Ferlið er einfalt

Starfsfólk fær einnig mælaborð með sínum niðurstöðum og meðaltal deildarinnar til að geta sett sér sín eigin fræðslu og þjálfunarmarkmið og fylgst með frammistöðu.

Hæfnigapið ( skillsgap) verður strax sýnilegt og hægt að bregðast við með viðeigandi þjálfun og fræðslu.
Fræðslustarf verður einstalingsmiðara og markvissara.
Með einum smelli er hægt að taka aftur fræðslugreiningu og uppfærist þá mælaborðin og auðvelt er að fylgjast með framþróun.

Með þessari aðferðafræði höfum við fundið leið til að taka reglulega fræðslugreiningar með auðveldum hætti til að bregðast við hinu raunverulega hæfnigapi í rauntíma.

Nú þegar eru um 20 fyrirtæki og stofnanir að nýta sér Effect hugbúnaðarlausnina með góðum árangri.

Færum okkur yfir í nútímann og bregðumst við raunverulegri fræðsluþörf í rauntíma.

Effect í samstarf við Iðuna með útsendingu á fræðsluhlaðvarpi

Fri, 02 Feb 2024 18:19:31 GMT

Effect í samstarf við Iðuna með útsendingu á fræðsluhlaðvarpi

Markmiðið er að fá til okkar skemmtilegt fólk frá ýmsum fyrirtækjum og stofnunum sem hafa ákveðið að leggja áherslur á fræðslu og þjálfun síns starfsfólks.

Lagt verður áherslu á fræðslugreiningar, utanumhald á fræðslu og mælanlegan árangur af fræðslunni.

Við erum afar spennt fyrir þessu samstarfi og höfum nú þegar tekið upp nokkra þætti sem koma út reglulega.

Fyrsti gestur okkar er hún Ragnheiður en hún er mannauðsstjóri hjá Vatnajökulsþjóðgarði.

Ragnheiður fjallar hér um hvernig fyrirtækið greinir fræðslu og setur upp framboð með tilliti til aðstæðna og tíma. Þær spjalla einnig um endurgjöf á fræðslu og hvaða aðferðir virka best í síbreytilegu umhverfi þjóðgarðsins.

Nánar á Iðan.is

Hugbúnaðarlausn Effect - við greinum þá fræðslu og þjálfun sem þitt fólk þarf i rauntíma

Thu, 28 Dec 2023 15:41:28 GMT

Hugbúnaðarlausn Effect

Breyttir tímar kalla á aukna fræðslu og þjálfun innan fyrirtækja en hvar á að byrja ? Hugbúnaðarlausn Effect skilar þér á auðveldan hátt hvernig fræðslu og þjálfun þarf í þínu teymi eða fyrirtæki svo þú getur brugðist strax við.

Fræðslugreiningar geta tekið langan tíma og erum við þá oft að vinna í baksýnisspegilinn með þá fræðslu og þjálfun sem vantar. Hugbúnaðarlausn Effect gefur þér raungögn í rauntíma hvaða þjálfun og fræðslu þitt starfsfólk þarf á þessum tímapunkti svo hægt er að bregðast strax við.

Taktu reglulega mælingar og aðlagaðu fræðsluáætlunina miða við þá fræðslu og þjálfun sem starfsfólkið þitt þarf. Hugbúnaðarlausn Effect auðveldar ferlið.

Gleðileg jól og farsælt komandi fræðsluár

Thu, 21 Dec 2023 17:22:53 GMT

Gleðileg jól og farsælt komandi fræðsluár

Hafrannsóknarstofnun nýtir sér fræðslugreiningartól Effect

Thu, 21 Dec 2023 16:38:19 GMT

Hafrannsóknarstofnun nýtir sér fræðslugreiningartól Effect

Effect þakkar Hafrannsóknarstofnun fyrir frábæra vinnu við að hæfni og þekkingargreina störf innan stofnunarinnar.

Mannauðsteymi Hafrannsóknarstofnunar lagði mikla og faglega vinnu í verkefnið og var afraksturinn fræðsluáætlun byggð á gögnum og einnig efni til að nýta við starfsþróunaráætlun starfsmanna.

Effect óskar Hafrannsóknarstofnun velferðar og þakkar frábært samstarf.

Ummæli um Hæfnigreininguna

Hæfnigreining var að okkar mati grunnur þess að geta unnið markvisst að stefnu og markmiðum um starfsþróun innan stofnunarinnar. Greiningin myndi jafnframt skila okkur yfirsýn um þarfir og óskir starfsmanna sem væri grunnur að skilvirkri fræðsluáætlun.

Ferlið er mjög faglega unnið og öll samskipti og stuðningur frá Evu framúrskarandi. Sýn okkar og stefna er mun skýrari eftir mótun hæfniþáttanna þar sem horft var til ytra sem innri þátta. Ferlið fól í sér að verkefnið var ekki eingöngu unnið af sérfræðingum á mannauðssviði heldur voru starfsmenn stofnunarinnar virkir þátttakendur í ferlinu sem er forsenda þess að vel til takist.

Kerfið sem Effect hefur hannað til að veita bæði stjórnendum og starfsmönnum yfirsýn hvar við stöndum er algjör plús. Kerfið tengir saman þarfagreininguna, sýn og markmiðasetningu stjórnendans og starfsmannsins þannig að starfsþróun hvers og eins verður markvissari. Við erum spennt yfir því að vinna áfram með útkomuna og tengja í framhaldinu við starfsþróunarsamtölin.

Sólveig Lilja Einarsdóttir

Sérfræðingur, Fræðsla og Starfsþróun

Hafrannsóknarstofnun

Effect valið sem ráðgjafi í verkefninu Fræðsla til framtíðar

Wed, 29 Nov 2023 15:42:10 GMT

Fræðslumiðstöð atvinnulífsins hefur valið Effect til að vera einn að ráðgjöfum í verkefnið Fræðsla til framtíðar.

Fræðsla til framtíðar er verkefni þar sem stjórnendum býðst aðstoð við að

ákveða markmið fræðslu
greina fræðsluþarfir
setja upp markvissa fræðslu og þjálfun
mæla árangur af fræðslu.

Sótt er um styrk fyrir verkefninu hjá starfsmenntasjóðum atvinnulífsins og því er ráðgjöfin fyrirtækjum að kostnaðarlausu.

Hafðu samband á eva@effect.is og við förum með þér yfir málin.

Effect tekur þátt í Vesturbrú 2023

Mon, 27 Nov 2023 16:55:29 GMT

This is a subtitle for your new post

Síðastliðnar vikur hefur verið opið fyrir umsóknir í Vesturbrú – viðskiptahraðal á Vesturlandi. Margar umsóknir bárust og augljóst að Vesturlandi iðar af lífi og sköpunarkrafti!

Á næstum vikum munu 10 teymi njóta leiðsagnar og samveru en hraðallinn er sérhannaður með þarfir þátttökuteymanna í huga, þannig hafa teymin áhrif á fræðsluna sem stendur þeim til boða. Markmið hraðalsins er efla sköpunarkraft og frumkvöðlastarf á Vesturlandi, tengja fólk saman og stuðla að nýjum verkefnum og verðmætasköpun á svæðinu.

Þetta er í fyrsta sinn sem haldin er viðskiptahraðall á Vesturlandi og eru þátttakendur af öllu Vesturlandi sem er afar ánægjulegt. Framundan eru tvær lotur en þær verða haldnar í desember 2023 & janúar 2024.

Þátttakendur í Vesturbrú 2023:

Fræðslugreiningartól Effect – Hugbúnaðarlausn sem greinir fræðsluþörf innan fyrirtækja og stofnana í rauntíma og gefur starfsfólki verkfæri til að meta eigin færni og þekkingu til að taka betur ábyrgð á eigin fræðsluvegferð

Urður Ullarvinnsla – Ull og ullarband úr Dölunum sem hefur það markmið að draga fram sérstöðu íslensku ullarinnar og stuðla að auknu verðmæti hennar.

Hraundís – Íslenskar ilmkjarnaolíur úr íslenskri náttúru.

Simply the West – Afþreyingarfyrirtæki sem sameinar bókanir á afþreyingu á Vesturlandi á einum stað og auðveldar þannig aðgengi ferðamanna að svæðinu.

Bjargarsteinn – Nýsköpun innan starfandi fyrirtækis sem felst í framleiðslu á ýmsum matvælum svo sem víni, snakki og ís og unnin eru úr staðbundnum hráefnum.

Grammatek – Grammatek þróar íslenska máltækni með aðstoð gervigreindar.

Snæfellsnes Adventure – Snæfellsnes Adventure stefnir að sérhæfingu í móttöku farþega skemmtiferðaskipa með sjálfbærni, fjölgun atvinnutækifæra og hag samfélagsins að leiðarljósi.

Marman – Marman þróar og framleiðir vörur úr handtýndu þangi frá Vesturlandi, meðal annars úr þangskeggi sem minjagripi fyrir ferðamenn.

Barnaból – Barnaból framleiðir vöggusett tilbúið til útsaums og hvetur þannig til að endurvekja gamla íslenska hefð.

Kruss – Verkefnið „íslensku jólasveinarnir koma úr Dölunum“ miðar að því að varðveita íslensku jólasveinana sem eru brothætt menningarverðmæti.

Fræðslugreining innan fyrirtækja

Wed, 22 Nov 2023 20:53:58 GMT

Áður en að fjárfest er í dýrum hugbúnaði sem heldur utan um fræðslu þarf markvisst að greina þörfina.

„Fræðslugreining í fyrirtækjum felur í sér greiningu á hvaða fræðslu og þjálfun starfsfólk þarf á að halda í samræmi við stefnu og markmið fyrirtækisins“ segir Eva Karen Þórðardóttir eigandi Effect. Hún hefur þróað og hannað greiningartæki, sem greinir hæfni starfsfólks og skilar persónulegri fræðsluáætlun til fyrirtækis, niður á hvern starfsmann.

Starfsfólk sér þá hvar það er statt og hvar það stendur miðað við sitt teymi. Þarna er því verkfæri til að sjá betur hvar hver og einn stendur einfaldar fyrirtækjum að fylla upp það hæfnigat sem er til staðar. Starfsfólk getur sett sér markmið um eigin fræðslu og haldið betur utan um fræðsluna sem það hefur lokið.

IÐAN - Augnablik í iðnaði · Fræðslugreiningar í fyrirtækjum, með Evu Karen Þórðardóttur eiganda Effect

Múlaþing nýtir sér Fræðslustjóra að láni

eva@effect.is (Eva Þórðardóttir) — Wed, 22 Nov 2023 18:42:49 GMT

Múlaþing fer í gegnum Fræðslustjóra að láni

Effect þakkar Múlaþingi fyrir frábært samstarf síðustu mánuði en sveitafélagið ákvað að fara í gegnum verkefnið Fræðslustjóri að láni og greina í samstarfi við Effect hver fræðsluþörf starfsfólks í sveitafélaginu væri. Ákveðið var að nýta hugbúnaðar lausn Effect við greiningarvinnuna.

Þetta er stærsti starfsstaður sem nýtir hugbúnaðarlausnina við fræðslugreiningar og gekk vinnan vonum framar.

Nú hefur sveitafélagið í höndunum fræðsluáætlun til að starfa eftir byggða á gögnum í rauntíma sem auðvelt er að uppfæra reglulega og aðlaga fræðsluna í samræmi við niðurstöður greiningartólsins.

Effect óskar Múlaþing til hamingju með þessa vinnu og farsældar í sinni fræðslu og þjálfunarvegferð.

Flatey Pizza fær Fræðslustjóra að láni

Wed, 12 Apr 2023 11:42:27 GMT

Flatey Pizza fær Fræðslustjóra að láni

Í undirritun er samningur um verkefnið Fræðslustjóri að láni við Flatey pizza. Auk Starfsafls kemur Landsmennt að verkefninu og greiðir hvor sjóður fyrir sig hlutfallslega fyrir félagsmenn sinna stéttafélaga.

Hjá Flatey pizza starfa um 100 einstaklingar og þar af er meirihluti ungt fólk í hlutastörfum með námi. Starfsstöðvar fyrirtækisins eru fimm, fjórar í Reykjavík og ein á Selfossi.

Í umsókn fyrirtækisins segir að stjórnendur þess vilji fara af stað í verkefnið til að efla starfsfólkið enda hafi það sýnt sig að því meiri áherslu sem lögð sé á staðlaða þjálfun starfsfólks því ánægðari sé það í vinnunni. Þá segir jafnframt að stefna og framtíðarsýn fyrirtækisins sé að bjóða upp á hágæða upplifun á sem hagstæðastan máta. Áhersla sé lögð á einföld gæða hráefni og góða þjónustu.

Þá segir jafnframt að fyrirtækið leitast við að vera frammúrskarandi í veitingaiðnaðinum og þar séu heilbriðgs-, starfsmanna- og gæðamál efst á blaði. Fyrirtækið vilji efla starfsfólk og gefa því réttu verkfærin til þess að sinna störfum sínum á sem bestan máta, gefa öllu starfsfólki tækifæri við hæfi og leyfa því að vaxa með fyrirtækinu.

"Fyrirtækið vilji efla starfsfólk og gefa því réttu verkfærin til þess að sinna störfum sínum á sem bestan máta, gefa öllu starfsfólki tækifæri við hæfi og leyfa því að vaxa með fyrirtækinu"

Verkefnið felur í sér að sjóðirnir leggja til “Fræðslustjóra að láni”, fræðslu- og mannauðsráðgjafa, sem greinir fræðsluþarfir fyrirtækisins og semur fræðsluáætlun byggða á greiningunni. Fræðsluáætlunin skal vera með útfærslu að leiðum, tímasetningu námskeiða og tillögum að fræðsluaðilum ásamt aðgerðum um þjálfun og menntun til styttri og lengri tíma. Greiningin og fræðsluáætlunin er ávallt unnin í nánu samstarfi með starfsmönnum og stjórnendum fyrirtækisins.

Allur kostnaður vegna ráðgjafans er greiddur af þeim sjóðum sem að verkefninu koma en framlag fyrirtækisins felst í framlögðum tíma starfsfólks.

Ráðgjafi verkefnisins er Eva Karen hjá Effect ráðgjöf en hún er margreynd á þessu sviði og fyrirtækið vel að því komið að fá hana til liðs við sig.

Nánari upplýsingar um verkefnið Fræðslustjóra að láni má nálgast á vef Starfsafls, www.starfsafl.is eða í síma 5107550

Myndin er fengin af fésbókarsíðu fyrirtækisins.

Um Starfsafl:

Starfsafl fræðslusjóður er í eigu Samtaka atvinnulífsins og Eflingar, VSFK og Verkalýðsfélagsins Hlífar. Sjóðurinn varð til á grundvelli kjarasamninga árið 2000 og hlutverk hans er að styrkja félagsmenn og fyrirtækin sem þeir starfa hjá, í starfsmenntun.

Stykir til einstaklinga eru afgreiddir af stéttafélögunum en Starfsafl afgreiðir styrki til fyrirtækja. Tekjur Starfsafls eru starfsmenntaiðgjald sem er samningsbundið gjald atvinnurekenda til sjóðsins, eins og um er samið á hverjum tíma.

Grein birtist 06.03.2023 í starfsafl.is

Tökum gagnadrifnar ákvarðanir þegar kemur að fræðslu og þjálfun í fyrirtækjum og stofnunum

Wed, 12 Apr 2023 11:29:48 GMT

Tökum gagnadrifnar ákvarðanir þegar kemur að fræðslu og þjálfun í fyrirtækjum og stofnunum

Því ber ætíð að fagna þegar fyrirtæki og stofnanir leggja aukna áherslu á fræðslumál starfsmanna.

Síðustu ár hafa fræðslumál fengið meira vægi og hafa mun fleiri fyrirtæki og stofnanir séð hversu mikilvægt er að starfsfólk fái reglubundna fræðslu og þjálfun. Hvort sem það er til að bæta starfstengda hæfniþætti, persónulega hæfniþættir eða, eins og mikið er lagt áherslu á núna, stafræna hæfniþætti.

Oft er hafist handa með þvi að festa kaup á fræðslukerfi og fræðslupakka sem eru stútfullir af frábæru fræðsluefni og einnig er farið í að skoða hvaða fræðsla og þjálfun þarf að vera skylda fyrir starfsfólk og hvaða fræðsla er meira nice to have. En margir hverjir reka sig á það eftir að allt er loksins komið í gang að starfsfólk er ekki að nýta sér fræðsluna að því marki sem óskað er eftir og þegar enn lengra en liðið eru jafnvel ekki til svör við því hvort þessi fjárfesting sé í raun að skila fyrirtækinu eða stofnuninni aukinni hæfni starfsfólks eða hvort einhver lærdómur hafi í raun átt sér stað.

Ef fyrirtæki og stofnanir geta verið með frábært efni og flott kennslukerfi, en of mörg fyrirtæki standa frammi fyrir þvi að starfsfólk er ekki að nýta sér þá fræðslu sem boðið er upp á, spyr maður sig, af hverju er starfsfólkið ekki að nýta sér þessa fræðslu og þjálfun?

Margt getur spilað þar inn í, t.d. tímaskortur, er fræðsluefnið viðeigandi, er fræðsluefnið aðgengilegt, er búið að gera ráð fyrir tíma innan fyrirtækis eða stofnanna til að stunda fræðslu og þjálfun svo að starfsfólki finnist það ekki vera að stelast á vinnutíma, eins og ég hef gjarnan heyrt. Samkvæmt skýrslu sem var kynnt fyrir mér á ráðstefnu í Noregi síðasta haust frá World Economic Forum hefur verið gerð úttekt á hvað er helst að standa í vegi fyrir fræðslu og þjálfun í fyrirtækjum og var niðurstaðan ekki þessir þættir sem taldir eru hér að framan heldur er það sem stendur mest í vegi fyrir fræðslu og þjálfun í fyrirtækjum, áhugi og virkni í því að sækja sér fræðslu og þjálfun. Að setja mikilvægi fræðslu og þjálfunar framar í röðina í daglegu amstri.

Þá spyr ég mig, á hverju erum við að klikka ? Gæti einn möguleikin verið að við erum að gleyma að við erum jafn ólík og við erum mörg og að við þurfum mismunandi áherslur í fræðslu og við lærum á mismunandi hátt? Getur verið að við erum að leggja sama efnið fyrir alla og jafnvel skylda fólk í að fara úr sinni vinnu og fara á námskeið hvort sem það vill eða þarf að eigin mati?

Ég hef lært það í gegnum mitt fræðslugreiningarstarf síðustu árin að við þurfum að gæta okkar að byrja á réttum enda, GREINUM, skoðum og áætlum hvað við viljum fá út úr fræðslunni. Mælum og tökum gagnadrifnar ákvarðanir varðandi fræðslu. Skoðum hvað við viljum og þurfum að fá út úr fræðslunni fyrir okkar fólk. Tökum mælingar á því hvernig stendur okkar fólk í dag áður en lagt er af stað og tökum ákvarðanir strax í byrjun hvernig ætlum við að mæla árangur og hvernig ætlum við að skapa rými fyrir fólkið okkar að taka þá fræðslu og þjálfun sem það þarf.

Við þurfum að hætta að hugsa fræðslu sem one size fits all og horfa til einstaklingsmiðaðrar fræðslu og þjálfunar ef við ætlum að ná árangri og ef við ætlum að ná að virkja fólkið okkar til að stunda markvissa þjálfun og fræðslu.

Höfundur er eigandi og ráðgjafi hjá Effect.is.

Grein birt þann 31. mars á Vísir.is

Við viljum lausnamiðað og skapandi starfsfólk en ætlum alltaf að segja þeim hvað og hvernig á að gera hlutina

Tue, 27 Dec 2022 19:15:07 GMT

Við viljum lausnamiðað starfsfólk sem er skapandi og með gagnrýna hugsun en við ætlum samt alltaf að segja þeim hvað það á að gera og hvernig. Það mun aldrei virka ef lærdómur á að eiga sér stað.

Það hefur sjaldan verið jafn ákallandi að þjálfa og fræða starfsfólkið og hafa ófáar greinar og fyrirsagnir birst á síðustu misserum sem kalla á nauðsyn þess að þjálfa og endurmennta starfsfólkið okkar á komandi árum.

Samkvæmt World Economic Forum þarf að endurmennta um 50% af öllu starfsfólki fyrir árið 2025 ef vel á að takast í atvinnulífinu miða við þann hraða sem er á því í dag.

Þá þurfum við að hugsa fræðslu og þjálfun í fyrirtækjum á allt annan hátt en við erum að gera í dag.

Í dag eru of fáir fræðslustjórar eða fræðsluráðgjafar að horfa á fræðslu út frá einstaklingnum og starfsfólkinu sjálfu heldur erum við að horfa á fjöldann og setja niður námskeið sem allir eiga að fara á, læra það sem við teljum þeim vera fyrir bestu á þeim tíma sem hentar fyrirtækinu.

Ég hef átt mörg frábær samtöl við fræðsluaðila sem starfa í fyrirtækjum á Íslandi og hef ósjaldan komið upp sú umræða að það er erfitt að fá fólk til að mæta á námskeiðin. Sem er kannski ekki skrítið, þegar við drögum starfsfólkið frá þeim verkefnum sem það er að vinna til að taka námskeið á þeim tímum sem henta okkur til að endurmennta sig í því sem viðteljum það þurfa að læra.

Einnig hef ég oft rætt við fræðslustjóra hvernig þeir mæla hverju fræðslan eða fjárfestingin í fræðslu hefur skilað fyrirtækinu og það er oft erfitt að svara því og oftast er það mælt út frá mætingu á námskeiðið. Sem segir okkur í raun lítið.

Við þurfum að vita skilaði þessi fræðsla eða fjárfesting sér í aukinni hæfni hjá starfsfólkinu sem það nýtir í starfi í dag? Átti sér stað einhver lærdómur?

Og hvernig verður lærdómur til? Jú lærdómur verður þegar við lærum eitthvað sem við viljum efla okkur í og þann hátt sem hentar okkur að læra. Núnar árið 2022 eru til svo margar aðferðir til að læra, það hentar ekki öllum að læra á sama hátt. Til að lærdómur verði til staðar þurfa sumir að hlusta, aðrir að lesa og enn aðrir kjósa að sitja fyrirlestra og glósa.

Þegar við erum með teymi af starfsfólki þá erum við með teymi með ólíka hæfni, styrkleika og veikleika og það þarf að nálgast fræðslu og þjálfun út frá einstaklingnum. Fræðsla þarf að vera einstaklingsmiðuð til að skila árangri.

Það er draumur hvers fræðslustjóra að til verði menning í fyrirtækinu þar sem fræðsla og þjálfun fær aukið vægi og starfsfólk beri ábyrgð á sinni fræðslu og þjálfun. En ef við ætlum að gera þann draum að veruleika þá þurfum við að hætta að segja starfsfólki hvað og hvernig það eigi að endurmennta sig.

Ef við ætlum að skapa fræðslumenningu þar sem starfsfólk ber ábyrgð á eigin fræðslu og þjálfun þá þurfum við að nálgast fræðslu og þjálfun í fyrirtækinu á annan hátt en við gerum í dag.

Með aukinni útbreiðslu á fræðslukerfum eins og Eloomi þar sem við veitum ákveðnu starfsfólki aðgang að ákveðnum námskeiðum sem er skylda og veitum þeim aðgang að öðrum námskeiðum ef þau hafa áhuga á að efla sig enn frekar hafa verið stígin ákveðin skref.

En við þurfum að stíga stærri skref og finna leiðir þar sem við erum að efla hæfni hvers og eins starfsmanns út fá því hvernig hann kýs að læra til að lærdómur verði til staðar og svo þarf að vera bein tenging I að þjálfa þessa hæfni enn frekar í daglegu starfi þar sem skýr eftirfylgni er til staðar. Eftirfylgni sem felur í sér þjálfun, að leiðbeina og aðstoða að fremsta magni og hrósa þegar vel gengur.

Þá verður til staðar hæfniaukning sem skilar sér í jákvæðri upplifun til starfsfólksins sem hvetur það til að taka næstu skref í sinni endurmenntun.

Það er löngu sannað að þegar valið og hugmyndin er okkar eigin þá eykst drifkrafturinn.

Með því að þjálfun og fræðsla verðir einstaklingsmiðuð gefur það starfsfólki meiri hvatningu í að taka ábyrgð á eigin endurmenntun og eykur jafnframt drifkraftinn í að sækja sér menntun til að efla sig í starfi.

Ef starfsfólk finnur fyrir trausti til velja sér fræðslu og þjálfun við hæfi og fá að endurspegla þessa fræðslu og þjálfun í daglegu starfi þá skilar það sér jafnframt í sterkari starfsmanni með aukið sjálfstraust sem þorir að nálgast vinnutengd verkefni á nýjan hátt. Starfsmann sem er lausnamiðaður, skapandi og með gagnrýna hugsun.

Grein upphaflega birt þann 3. júní 2022 á vef Vísis

Effect Fræðslugreiningar & Starfsþróun

Starfsfólk þróar námsefni sjálft á frumlegan hátt

Fræðsluvísitala er innbyggð í fræðslustarfið og vel er haldið utan um starfsþróun innan fyrirtækisins

Byrjuðu í bílskúr í Hafnarfirði

Í dag eru höfuðstöðvar fyrirtækisins VHE að Melabraut 21-27 í Hafnarfirði, í alls 5 byggingum.

Gefum ungu og efnilegu fólki tækifæri

Guðni Erlendsson mannauðsstjóri Samkaupa er hér í fræðandi spjalli við Evu Karen Þórðardóttur

Það er lifandi atvinnugrein að reka alþjóðlegan flugvöll

Fjölþættar áskoranir í síbreytilegu umhverfi

Það er ekkert vit í því að vinna eftir 2 ára gamalli fræðslugreiningu árið 2024.

Það er ekkert vit í því að vinna eftir 2 ára gamalli fræðslugreiningu árið 2024

Effect í samstarf við Iðuna með útsendingu á fræðsluhlaðvarpi

Effect í samstarf við Iðuna með útsendingu á fræðsluhlaðvarpi

Hugbúnaðarlausn Effect - við greinum þá fræðslu og þjálfun sem þitt fólk þarf i rauntíma

Hugbúnaðarlausn Effect

Gleðileg jól og farsælt komandi fræðsluár

Gleðileg jól og farsælt komandi fræðsluár

Hafrannsóknarstofnun nýtir sér fræðslugreiningartól Effect

Hafrannsóknarstofnun nýtir sér fræðslugreiningartól Effect

Effect valið sem ráðgjafi í verkefninu Fræðsla til framtíðar

Effect tekur þátt í Vesturbrú 2023

This is a subtitle for your new post

Fræðslugreining innan fyrirtækja

Múlaþing nýtir sér Fræðslustjóra að láni

Múlaþing fer í gegnum Fræðslustjóra að láni

Flatey Pizza fær Fræðslustjóra að láni

Flatey Pizza fær Fræðslustjóra að láni

Tökum gagna­drifnar á­kvarðanir þegar kemur að fræðslu og þjálfun í fyrir­tækjum og stofnunum

Tökum gagna­drifnar á­kvarðanir þegar kemur að fræðslu og þjálfun í fyrir­tækjum og stofnunum

Við viljum lausna­miðað og skapandi starfs­fólk en ætlum alltaf að segja þeim hvað og hvernig á að gera hlutina

Tökum gagnadrifnar ákvarðanir þegar kemur að fræðslu og þjálfun í fyrirtækjum og stofnunum

Tökum gagnadrifnar ákvarðanir þegar kemur að fræðslu og þjálfun í fyrirtækjum og stofnunum

Við viljum lausnamiðað og skapandi starfsfólk en ætlum alltaf að segja þeim hvað og hvernig á að gera hlutina